اريد حلا باللة عليكم

االسلام عليكم ورحمة اللة وبركاتة
طبعا باين من الاسم انى عندى مشكلة ومحتاج رايكم طبعا فى ناس هنا اصغر منى سنا لكن مش بالسن يمكن حد منكم يكون السبب فى راحة بالى باللة عليكم تقروا الموضوع كويس وتردوا عليا انا فعلا محتاج اسمع اى حد لانى مش لافى حد احكى لة وهتعرفوا لية
انا رجل متزوج من قريبة لى طبعا هتقولوا جواز تقليدى ممكن اة بس انا بالنسبة لى لالقد احببتها ولازلت احبها كيف لا احبها وهى قريبتى وزوجتى وام اولادى وهى كل شئ لى فى هذة الدنيا
تزوجنا ورزقنا بطفلين ربنايبارك لى فيهم ككل بيت لا يخلو من المشاكل من بداية الزواج ولكن ليست كل مشكلة تتفاقم كما تتفاقم مشاكلنا
كانت كل مشكلة تنتهى بماساة بينى وبينها لست اردى من السبب اللى بيخلى المشاكل تشتعل بهذة السرعة كانت تجبرنى على ان اضربها واهينها لكن انا مكنتش عايز اضربها هى اللى كانت بتوصل الامور معى لكدة
تخيل انت بتانبها على حاجة انت شايف انها غلط وهى ترد عليك وتقول لك انك مش عارف حاجة او مش فاهم وتبص لك بطريقة تقتلك
تحس انك ولا حاجة وكل كلمة تطلع منك تلاقى ليها الف ردمنها لحد ما توصل انى امد ايدى عليها وكمان تقول اضرب انا ميهمنيش الضرب
لان الضرب دة للعاجز كنت اسمع الكلام دة كنت اضربها اقوى واكتر كانت تول لى انك مبتعرفش لغة الحوار دة اللى انت فالح فية وبس
بس هى دى كانت حياتنا كنا عايشن على كدة مرة خصام ومرة صلح علشان المركب تمشى للعيال وبس
دخلت عندى نت فى البيت و كنت اثق فيها ثقة عمياء كيف لا اثق فيها وهى كل حاجة فى حياتى بالرغم من كل اللى بيحصل
لقد امنتها على بيتى واولادى وحياتى وكنت اتابعها من بعيد ومن قريب وكنت اجلس معها على النت ونشوف الدنيا حلوها ومرها
حتى جاء اليوم المشؤم وضعت برنامج على الجهاز يسجل كل حاجة كتابة وصور ورجعت من شغلى الساعة 7 صباحا وفتحت البرنامج
وجدت زوجتى المصون سهرانة لحد الساعة 6صباحا على النت تتبادل قصائد الحب والعشق والغرام مع كلب اللة يرد لة عملة فى اقرب
الناس لية لقد تعارفا على الياهو ولقد وجدت فية حلو اللكلام لقد وجدت فية ما لم تجدة عندى الا وهو الكلام با سادة
لقد خلقنى ربى لااجيد الحوار لا اعرف طريقة المعاملة مع النساء حتى زوجتى كنت اخجل ان اقول لها كلام غزل او بالمعنى الاصح لااعرف كنت لااجيد الحوار هل هذا سبب يجعل زوجتى تخوننى وتطعننى فى شرفى اللى هو هى نفسها
لقد اكتشفت يا سادة انها تعرفة من اكثر من شهر ونصف كنت انا المغفل المخدوع كانت تنتظر نزولى للشغل اومشوار لكى تكلمة
والمضحك يا سادة كنت كلما اتاخر خارج المنزل كانت تتصل بى وكنت اظنها تطمئن عليا لكن اكتشفت موخرا انها كانت تتصل لتعرف كم تبقى لها من الوقت مع عشيقها لكى تشرب معة من كاس الحرام
ارجو من كل من قرا هذا الموضوع ان يرد عليا ربما اجد ما اصبر بة نفسىاستحلفكم باللة

السلام عليكم اولا
بالرغم من انى اكيد اصغر من الشاكى بكتير ولكن احب اقولك انك تحاول تتقرب منها اكتر وزى ماقالك الاستاذ المشرف خليك جنبها وابعدها عن انها تكون فريسة للشيطان وهى اكيد هترجع لعقلها بعد ماتلاقيك جنبها وهتندم على مافعلت اكيد وحاول تتقرب اكتر ياريت يعنى من ناحية الدين جمع اهل بيتك كده واقروا قران او اعملوا حلقة ذكر قولهم قصة دينية وخليها تشاركك ف ده وقولها ايه رايك لو عملنا كذا وكذا ولا لو رحنا الحتة الفلانية ولا ايه رايك لو عملنا كده لبكرة وياريت لو ف مرة تجيبلها هدية حلوة اكيد هترجعلك تانى بعد ده كله. واعمل كل حاجة كويسة عشان تستقيم حياتك وحيات اولادك الشغل والفلوس مش كل حاجة عيش فقير وسعيد احسن من غنى وتعيس
لا تجعل المال شهوتك اللى يلهيك عن زوجتك وربنا معاك ويقويك ان شاء الله ويهديهالك هى كمان وترجع لعقلها وليك ولاولادها
وبيتها ان شاء الله

سفير الاحساس
اشكرك لانك رديت عليا متعرفش ردك ريحنى كتير لانة فعلا انا اتحمل جزء من المشكلة
لكن صدقنى اناعملت حاجات كتير من اللى انت قلت علية هو دة اللى كنت بعرفة النظرة اللمسة الاحضان الدافئة مكنتش اعرف غيرهم اعبر بية عن حبى لكن تخيل الرد
(انت مبيتجيش جنبى وتحضنى الالما تكون عايز تنام معايا ) تخيل الرد
اضحك او ابكى متروكة لك
انا كنت برجع 7الصبح علشان شغال فى شركة 8ساعات مش بشتغل 24 ساعة
اما بالنسبة للضرب انا مكنتش بضرب علشان عايز اضربها لا واللة لكن الامور كانت بتتطور بطريقةغريبة زى ما تكون هى اللى كانت بتدفعنى علشان اضربها
صدقنى واللة لم احرمها من اى حاجة كنت بكرس كل مجهودى لهم هى والعيال كنت احرم نفسى من حاجات كتير علشانهم وهى اعترفت بكدة (انت مش حرمنا من اى حاجة)
طب فاضل اية مش حارمكم من اى حاجة طب كانت لازم تستحمل جهلى بالعشق والغرام
تعرف يا سفير لو شافت او سمعت مرة انى على دراية بالكلام دة كان من حقها ان انا حرامها منة
اشكرك واتمنى ان تتواصل معايا فى الحوار لانى معنديش الجراة اناقش الموضوع دة مع اىحد
واتمنى من باقى الاعضاء ان يردو لعلى اجد اى كلمة منهم تقودنى للهداية
ارجو الرد من افندينا وضباب ضى القمر

اشكرك يا جيسيكا على هذا الرد الجميل اقرئى الجزء الثانىوردى عليا
هل من حقها ان تخونى
هذا هو السوال

انا من رأيى تقف جنبهاااا

هى دلوقتى محتاجااك اكتر من اى وقت فات

تقبل مرورى

تقبل مرورى

اشكركم جميعا كل واحد رد عليا فى هذا الموضوع واشكر مروركم الكريم
متعرفوش فى بعض الردود اثرت فيا بجد واللة اشكركم مرة تانية
بس دة يرجعنا لموضوع اخر هل غلط انك تثق فى شريكة حياتك على هذا الملعون النت
حتى لو مكانش بينكم مشاكل هل تامن عليها من شياطينة
كلكم عارفين ان الحب فى الجواز يقل بمرور الوقت والمشاعر والكلمات تبدا فى الخفوت
وللاسف شياطين النت بيستنوا هذا الخفوت
هل من الغلط انك لاتثق فى من تحب سوال مش لية لوحدى
شكرا سفير الاحساس وجونى وبسمة والبنهاوى ولف لورين