عشرين جمله 95%من شباب مصربيقولوهاللبنات

دول عشرين جمله 95% من شباب مصر بيقولوها للبنات

1-حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )

2-يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)

3- حاسس ان فيكى حاجه غريبه غير كل البنات
(كأنها مثلا بتمشى على ايديها ورجليها )
ههههههههههه

4-انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين ....ههه

6-يااه يا حبيبتى انتى تؤمرى وانا انفذ اللى انتى عايزاه اجبهولك
(فى المشمش)

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)

8-هكلم باباكى اول ماكًون نفسى
(موووووووووووت يا حمااااااااااار)

9-عايز اشوفك كل يوم كل ساعه كل ثانيه
(عشان اصحابه يتأكدو انها حلوه)

10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (بففففففففف الاسطوانه المشروخه)

11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

13- ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد)

14-ياه لما بشوف رقمك على الموبيل قلبى بيتنفض (طبعا من الخضه انها تكون فأسته)

15-فلان قالى اديله رقمك بس انا قلتله اقتلنى قبل ماتاخد رقمها منى
(ياااااه على التضحيه وهى ياعينى ادى رقمها لكل مخاليق ربنا كلهم) .

16-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

17-اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)

18-اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)

19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)

20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)

−ـ…_‗ ‗_…ـ−־־‾ई بمنـﮯـاسبـﮯـة ♥ عيـﮯـد♥ الحبـﮯ♥ई‾־־−ـ…_‗ ‾־־−ـ…_‗ई♥happy♥¸-“¨¨”-¸♥valantine♥ ¸-“¨¨”-¸♥day♥¸-“¨¨”

هههههههههههههههههههههههه

كل سمه وانتى طيبه يا احلى ساره

حلوة جدا وياريت الولاد يفهوا ان الحاجات دى البنات فاهماها كويس قوى وان دى اسطوانات مشروخة زى ماقلتى
ياريت تديهم اكتر
وياريت اكتر ولد كده من المنتدى الحلو ده يرد على الجمل دى ويقول صح ولا غلط ولو صح ليه بيعملوا كده هى البنت دى مش ممكن تكون اختهم او اى حد يعرفوه قريب منهم!!!!!!!!!!!!!!!!!!!!!!!!!!!!!!!!!!!!
ياريت الاقى الاجابة بس لازم من ولد

لعلمك يا جيسى

مش كلنا كده ف منا بيقولوا الكلام ده بس بيكونوا حسين اوى

مش كل الشباب هوحشه وتانى حاجه بجد اخر موضعسين ليكى

وجعونى اوى اوى وباذن الله هفكر ف اى حاجه هعملها قبل ما اعملها

والله يا بنتى انتى حاجه جميله اوى ف المنتدى ده

نرجع لموضوع ساره بقه

ايوه مش كلنا كده ف جزء منا بس مش كلنا

95% دة كتير جدا مش كلة يعنى ممكن يكون 65%

بس موضوعك جميل

ايه يابنتى الموضيع دى

بجد جميل جدا

ف تقدم دائم ياقمر المنتدى[b]

هههههههههههههههههههه
والله يابنتي فعلا ده اللي بيحصل
كتيييييييييييييييييييير
وعندك حق في كل كلمه انتي قولتيها
بس للاسف انا بنوته وبقولك البنات بقيت اكتر من الشباب
بلعب عقولهم بس ده في الاخر راجع للشباب لانهم هما اللي علموهم
ونرجع في الاول والاخر نقول صوابعك مش زي بعضها
تسلم ايدك على التوبيك الرائع ياقمر

الواد مصطفى ساب موضوع ساره ودخل ف موضوع جيسى

ال وبيقولك مش كلنا كده

هههههههههه بس انا واثق انك مش كده يا درش ومتاكده ول عندك راى تانى

انت عااااااااارف

بجد موضوع جامد جدا وهما حالياااااا زادوا شوووووووويه عن 95 %

ههههههههههه