البنات تافهين وهايفين

الاعتقاد السائد هو أن البنات ما وراهاش حاجة غير الكلام فى الموضة وتسريحات الشعر والماكياج و مين عاكسنى ومين بصلى مين هايموت ويكلمنى ..
وان فيه جزء منهم بيتوتى يعنى مالهوش غير فى شغل المطبخ والقعدة أمام التليفزيون وحفظ الاغانى والافلام..
ومين قال ايه ويقصد ولا مايقصدش ..
طبعا أنا مابتكلمش عن المرأة المصرية لانى عارفة انكم هتقولوا دى واخدة حقها تالت ومتلت وليها دور فى البرلمان وبقيت وزيرة وعضوة فى الاحزاب وكمان ممكن تخلع وتطلق زى ماهى عايزة..
لكن أنا بتكلم عن البنت المصرية اللى لسه مشافتش دنيا المرمطة واللى الكل بيبصلها على انها كائن ضعيف مسالم وممكن يستغل بسهولة ويسلم برضه بسهولة..
يعنى مش أكتر من انها سمكة ممكن اصطيادها بطعم مناسب وجذاب..
وبعدين شويها وأكلها بالهنا والشفا " احتمال " بس اللى أكيد ان مش كل البنات راكدين فى الميه ولو طلعوا منها يموتوا..
فيه بنات كتير عايشين على الارض وشايفين الدنيا وفاهمين قطارها ماشى ازاى ومحطاته فين ..
ودول بنات ذكية وبتفهم, بيشوفوا من بعيد لبعيد وبيتعلموا من بعيد بدون مايقربوا للخط الاحمر..
بس للأسف الناس برضه بتبصلهم على انهم متحررين وعارفين اللى فيها وبتعتبر ذكائهم نوع تانى ممكن يستغل أسوأ استغلال علشان كده تلاقى الناس بتتعامل مع النوع ده من البنات ببجاحة وبأقصر الطرق وده باعتبار ان ذكاءهم هايخليهم يمشوا أمورهم..
وفيه بنات بقى بتجيب من الاخر لانهم عارفين ان مهما عملوا ومهما راحوا موصومين بوصمة انهم بنات فى مجتمع الولد فيه هو بس اللى من حقه يعمل أى حاجة ويقول اللى هو عايزه من غير ماحد يعلق , والغريبة ان لسه فيه ناس لحد دلوقتى بتردد جملة " دا ولد وهو حر مفيش حاجة هاتضره " .
أما البنت فلازم يقفولها على الوحدة ويراقبوا تصرفاتها وقالت ايه ولمين وكانت واقفة بتتكلم وهى بتضحك ولا وهى مكشرة ده باعتبار ان البنت لما تضحك أو تبتسم وهى بتتكلم تبقى خرجت عن حدود الادب وتبقى بترسم وبتعيش الدور..
ولو اتكلمت وهى مكشرة تبقى برضه بترسم دور الادب والبنت اللى عايشة حياتها جد..
وياما تحت السواهى دواهى وراء التكشيرة دى أكيد فيه مليون سر وسر..
أما بقى لو البنت هادية بطبعها أو رقيقة يبقى يا سلام على السهوكة والرسم اللى على تقيل ويبقى هما دول البنات اللى نافعة واللى بتحاول تمشى أمورها بالصوت الهادى والمياصة والسهوكة..
ايه فى ايه؟! خلاص خنقتونا لاكده عاجب ولاكده عاجب ساكتين وحشين بنتكلم برضه وحشين..

يعنى بجد

ايييييييييييييييييييييييييييييييه الموووضوع الجامد ده

يعنى مش أكتر من انها سمكة ممكن اصطيادها بطعم مناسب وجذاب..
وبعدين شويها وأكلها بالهنا والشفا " احتمال " بس اللى أكيد ان مش كل البنات راكدين فى الميه ولو طلعوا منها يموتوا..

وفيه بنات بقى بتجيب من الاخر لانهم عارفين ان مهما عملوا ومهما راحوا موصومين بوصمة انهم بنات فى مجتمع الولد فيه هو بس اللى من حقه يعمل أى حاجة ويقول اللى هو عايزه من غير ماحد يعلق , والغريبة ان لسه فيه ناس لحد دلوقتى بتردد جملة " دا ولد وهو حر مفيش حاجة هاتضره " .

بجد انتى قولتى الحقيقه

وبجد انا مش عارف اعجب باى كلام كل الكلام بجد جميل جداااااااااااااااااااااا

وطريقه الكتايه اكتر من رائعه تقدمىىىىىىى

وعلى فكره هو ده حال مجتمعنااااااااااااااااا

تقبلى مرورى

مرسى جدا لمرورك

بجد كلام جميل

تسلم ايديك يامسك الجنه

ف مزيد من التقدم الدائم

تقبلى تحياتى

احمد المصرى Like a Star @ heaven

مرسى جدا لمرورك يا احمد

بجد موضوع جامد جداااااااااااااااا

يعنى مش عارف اقولك انتى حسستينى اننا بجد اخووات

وبنتكلم مع بعض

انا كده على فكره مع اختى

بنتكلم عن مشاكل الشباب والصباياااا

بدون كسوووووف او اخرااااااااااج

تقبلى مرورى

وبجد اكتبى تاااااانى

موضوع تحفة يعطيكي العافيه على الموضوع

على راي المثل

مش بيعجبهم العجب ولا صيام برجب

تسلم ايديك

بس فيه بنات زي القمر بس عملة نادرة وكذلك الشباب

مع كل الحب

ر ريهام

مرسى جدا لمرورك يا ريهام

على فكرة الموضوع ده من اهم المواضيع بس فى مواضيع تانيه كتير اهو السبب الى بيخلى الواحد او الواحده تتكلم انها مش بتلاقى جدال معاها بالتالى عايزة تحس انها بتعلم حاجة

بس انتى كتبتى فى الى اداكى رد حلو وسليم وفى الى قال اى كلمتين وخلاص واسمهم رد على الموضوع

مش هو ده المطلوب علشان كدة انا كنت ناوى اكتب موضوع بس مرضتش علشان عارف اية الردو المتوقعه وعلى فكرة الموضوع بيتعرف ان اكيد كل الكلام ده من القلب من الى احنا بنشوفه ونحسه

وموضوع جميل جدا يا مسك

بس خدى بالك انا عايز اعلق عليكى فى حاجة

انتى قلتى ولا كده عاجب ولا كده عاجب

انتى مش بتعملى اى حاجة علشان الناس لالالالالالالالالالالالالالالالالالالالالالالالالالا

انتى بتعملى علشان تبقى كويسه ادام نفسك الاول الناس عمرها ما بتقدم ولا بتاخر بالعكس بتحبط

اهم حاجة اكون راضى نفسى فى الاول وعارف ان الى بعمله الصح

بس كده كفايه اوى

مرسى جدا لراءك ولمرورك

السلام عليكم ورحمة الله وبركاته

انا على النجار 3 ثانوى ازهرى حدائق المعادى

على فكره الموضوع ده جامد كيك

الموضوع ده كل كلامه جميل ومش عارف اهنئك على الكلام
ولا على فكرة الموضوع من الاساس بجد بجد موضوع جااااااااااااااااااااااامد

تحياااااااااااااااااتى علــــــــــــــــى النجـــــــــــــــــــــــــار I love you

مرسى جدا لمرورك يا على واتمنى ان كل مواضيعى تنول اعجابك

مين تانى المووضوع عجبه

هههههههههههههههههههههههههه اهو يا بنات بنت زيكم اللى بتقول انكم تافهين وهايفين

هههههههههههههههههههههه

انا انااااااااااااااااااااااااااا الموضوع جامد حتى راسه عنوان الموضوع كمان جامد ويشد الانتبااااااااااااااااااه
امضااااااااااء عزليييييييييييييييييه

فيه بنات كتير عايشين على الارض وشايفين الدنيا وفاهمين قطارها ماشى ازاى ومحطاته فين
اشك فى الجملة دى بصراحه
تقبل مرورى

ههههههههههههههههههههههههههههههههه طول عمرك ياض يا شيتوز مخالف فى اى حاجه