ليـــــــــــــــــــــــــــه

ليه بتقسي عليا وانا عمري ماقسيت
ليه بتغيب عني وانا بسأل دايما عليك
ليه دايما بتنسي وانت عمرك مااتنسيت
ليه وليه وليه.................

نفسي اواجهك واعترفلك من اللي بيزعلني منك
نفسي اقولك اد ايه بحتاجلك وانت دايما جوا مني
ليه دايما بتبقي ف بالي وحاسه اني بعيده عنك
ليه بتقولي كتير بحبك وانا شايفه غير كدا
ياريت تجيني وتفهمني الحب اللي بالشكل دا

خايفه اجي ف مره واضعف وتترسم فيا النهايه
وتنتهي ف اقل من لحظه يادنيا اجمل حكايه
ليه بتبعد قلبك عني وبتغيب عن قلبي وهوايا
لو عاوز تسبني انا مش هقولك ف يوم تعالا
بس انت قولها وماتتعبش قلبي وهوايا

ليه لما تقول محتاجلك من غير ماتقول بتلاقيني
وانا لما احتاجلك بيصرخ الف صوت ومابتسمع ندايا
صحيح لساني مانطقهاش بس بقولك ارجع كفايا
بتقولي بتحبني مانا حاسه بحبك بس مش احساس كفايا
حسيت خوفك حسيت شوقك بس دي مش كل الحكايا

يوم معايا ويوم ناسيني ويوم بتقولي وحشتيني
يوم ف حضني يوم ف بعدي ويوم تقتلني ويوم تحييني
يوم ف السما ويوم ف الارض ويوم محيرني وناسيني
مابقتش فاهمه وبجد خايفه تبعد وتقسينيي