انا مرتبطـ،ـه

موضوع: انا مرتبطـ،ـه السبت مايو 08, 2010 12:22 pm

أنا مرتبطة

جلست ياسمين على مقعد فى الكلية تكتب كلماتها الى حب حياتها ... وبينما هى كذلك جاءت صديقتها نبيلة

وسألتها " بتعملى ايه " أجابتها ياسمين فى ثقة " بكتب رسالة ...

ضحكت نبيلة وأضافت قائلة " أنتى لسه يا بنتى عايشة فى الوهم ده ... عمرى ما شفت واحده بتتكب رسالة لواحد عمرها ما شفته ولا

عرفته وعايشة على وهم رسائل بتكبيها بين الحين والأخر ... والله أنتى غربية "

ردت عليها ياسمين فى ثقة " أولا ده مش وهم ... يا نبيلة أحلى حاجة أنك تعيشى حلم مع انسان ممكن يكون بعيد عنك

ولسه ربنا مقدرش أنك تشوفيه بس أنا عرفاه.... قطعت عليها نبيلة الحديث فى لفهة " عرفاه منين ... وأضافت فى سخرية

شفتيه فى المنام " أكملت ياسمين حديثها فى جدية " لا شوفته بروحى ... وبعدين كفاية أن ربنا اختاره لى من الدنيا كلها

ومكتوب اسمه من فوق سبع سموات .... و أنا مرتبطة بيه من قبل ما ننزل الأرض

ومهما قولتى أنا هفضل أكتب له رسائل الى حين يأتى ... ردت عليها نبيلة " عشان كده رفضت تكلمى زملينا لما حاول يكلمك "

أجابت ياسمين " بصى يا نبيلة أنا من يوم ما دخلت الكلية ... وقبل كده عمرى ما كلمت ولد .. والمبدأ ده اتعمق جوايا لما دخلت الكلية

وأخدت عهد على نفسى بينى وبين ربى ...ان أنا عمرى ما أخون ثقة أهلى و ثقة الانسان اللى أنا مرتبطة بيه حتى فى غيبته

وأكون مخلصة ليه فى غيبته وعلمه لما يشاء رب العالمين أن أرتبط بيه رسمى ... ليه أكلم واحد وأضيع مشاعرى وبعد كده تبقى مستهلكة

لا لازم مشاعرى تكون جديدة ... ولأن قلبى غالى مش متاح لأى كان أن يكون لعبه بيده .. قلبى ده هيفضل لذاك الانسان وحده

عارفة أنهم بيقولوا عليا معقده بس لا يهمنى طالما أنا صح .. وأنا الكسبانة وهم الخاسرين

بصى حواليك فى الكليه بنات كتير بتكلم ... وبتضحك ... وبتمشى مع ولاد ... وبتقولك ده أخويا

بتكذب على مين ..؟.. وواحده تلاقيها بتكلم واحد متفقين على الارتباط ... وبعد كده يسبيها وقلبها هى يتحطم

بصى أنا مقتنعة أن لو ولد فعلا أعجب ببنت ما وحاول يكلمها وكل ما يحاول تصده هتكبر فى عينه وممكن يكون فعلا بيفكر فى الارتباط

لكن لو كلمته هيفرح أنه حقق غروره كرجل ... ثم سرعان ما يشعر أنها يسهل الوصول اليها ... ويتساءل كيف ستحفظ لى بيتى فيما بعد؟؟

وفى حكمة تقول " الرجل الشريف تسقط من عينه المرأة اذ رأى سرعة انخداعها "

أنا يا نبيلة مش ملاك .. بس حين يوسوس لى الشيطان ببعض الأفكار ... أتذكر قوله تعالى

وأتذكر ذاك الانسان ... فأجدد العهد مجددا ... وأردد فى نفسى " سأحفظك فى نظراتى ... وفى حديثى... وأن ربنا عادل مش هيساوى

انسانة تخافه ... بأخرى لا تراعى حقه عليها وأنه مطلع عليها" .... وأناعلى يقين أن الحب بينا هيكون أقوى وأحلى لما يكون شريك حياتى

و أن ربنا هيحفظه لى من كل سو ء ... وهيكون قلبه نقى من أجلى ... ومن اليوم سوف أحمل شعار لكل شاب

" أنا مرتبطة"ـ

موضوع: رد: انا مرتبطـ،ـه الأحد مايو 09, 2010 8:04 am

الله يامصطفي
بجد والله دا فعلا اللي المفروض يحصل
كل بنت تحترم حبيبها ف غيبته

وفعلا الولد لما يكلم البنت وتصده هتكبر ف نظره اوى

بصراحه موضوع جااااااااااااااااااااااااااااااااااااااااااااااااااااامد
تقبل مروووووووووورى وتحياااااااااااااااااااااااااااااااااااتي

فعلا يا ساره البنت اللى تكون تقيله بتكون مطلوبه جداااااااااااااااا

حتى لو بتحب الشاب اووووووووووووووووى لازم تدارى شويه مش تسيب مشاعرها تتحكم فيها

وزى ما البنت ديه قالت انها ليه نصيبها مكتوبلها من فوق سابع سما

يعنى مهما روحنا وجين ف نصيبنا مكتوبلنا هيجى لحد عندنا

القدر والنصيب ده متكوووووووووووووووب واحنا لسه ف بطن امنااااااااااا

اشطاااااااااااااااااات سلاموا انا

ولسه ربنا مقدرش أنك تشوفيه بس أنا عرفاه.... قطعت عليها نبيلة الحديث فى لفهة " عرفاه منين ... وأضافت فى سخرية

شفتيه فى المنام " أكملت ياسمين حديثها فى جدية " لا شوفته بروحى ... وبعدين كفاية أن ربنا اختاره لى من الدنيا كلها

ومكتوب اسمه من فوق سبع سموات .... و أنا مرتبطة بيه من قبل ما ننزل الأرض

ومهما قولتى أنا هفضل أكتب له رسائل الى حين يأتى ... ردت عليها نبيلة " عشان كده رفضت تكلمى زملينا لما حاول يكلمك "

فعلا يا مصطفى كلنا عارفين كده بش بنهرب منه

الله على جمال ماوضيعك يا جميل المشاعر وسفيرها