بسم الله الرحمن الرحيم
الحمد لله على الفوز امبارح على الجيش ولكن!!!!
كان ليا نصيب انى اروح الماتش فى الاستاد وكنت مجهز نفسى ماديا وذهنيا ونفسيا عشان الماتش دة
احكايتى من البداية!
1_خرجت من البيت الساعه 1 ووصلت الموقف الجديد فى بنها عشان اركب احمد حلمى وفضلت ساعة ونص مستنى عربية
2_ وصلت عربية بالسلامة وركبت ووصلت موقف احمد حلمى على الساعه 3.30 عايز بقى اروح استاد الكلية الحربية فاستنيت اتوبيس عشان اروح
لكن مالقيتش اعمل اية اروح واسيب الماتش لا خدت تاكس ولهف منى 40 جنيه ابن التيت بس مش مهم كله عشان الزمالك
3_وصلت قدام الاستاد وقطعت تذكرة وواقف مع بقيت الزمالكاوية عشان ندخل الاستاد واشتريت علم زمالك ب 15 جنيه وكنت فرحان جدا خصوصا ان كان ممكن تكتب على العلم اى جمله فانا كتبت على العلم ((only one zamalek in the world)))
4_ الساعه جت 5 معنى كدة انه قد حان الميعاد لدخول المدرجات فوجئت ان العميد المشرف على دخول الجماهير خرجلنا بيقول ممنوع دخول الاكل او الشنط حتى لو كانت فاضية
واللى مش عاجبه يروح.
قلت مش مهم اكل الاكل كله والكانزات مرة واحدةكله يهون عشان الزمالك.
5_ جيت ادخل تانى قاللى ارمى الشنطة دى ولومش عاجبك روح
قلتله اهى ياباشاالشنطة اهى رميتها قدامه فى نص الطريق بصللى باستغراب وقاللى طب تعالى عشان العسكرى يفتشك
6_العلم كنت رميت العصاية البلاستيك منه عشان مايصحش ادخل بيها . لقيت الظابط بيقول ممنوع دخول الاعلام كلنا فى صوت واحد قلنا جمله والله العظيم الظابط اتخض وكان هايقع (( بالروح بالدم هانشجع الزمالك))
المهم الحمد لله دخلنا بالاعلام هانتفتش تانى بقى
7_ العسكرى بيقوللى اقلع البنطلون
هههههههههههههه والله حصل مش بفشر عليكو .... بصيتلو كدة وبقوله انت بتتكلم بجد قاللى هو انا هاهزر معاك يا روح امك
ايوة انا اللى اتشتمت
قلتله تحت امرك يا باشا
قلعت البنطلون قاللى :عدى . قلتله : البس البنطلون ولا حضرتك عايزه فى حاجة
بصلى كدة وقالى ادخل يا ظريف
8_عديت من دة مشيت متر ونص بالظبط ولقيت عسكرى كمان بيقوللى استنى!!! وقفت.. قاللى:: اقلع الكوتشى
قلعت الكوتشى قاللى ادخل والحمد لله خلاص فاضل انى ادى التذكرة للراجل اللى عالبوابة وادخل .
9_ واقفين عالبوابة عمالين نقوله عايزين ندخل ياباشا والتذاكر اهى قاللنا لما تجيلنا الاوامر بكدة
الساعه بقت 7 وعايزين ندخل بقى فاضل نص ساعه عالماتش لقيت عسكرى جاى من جوة بيقول خلاص روحو الاستاد اتملى ومافيش مكان ليكو
10_ هههههههههههههههههههههههههه بيقوللنا روحو بعد ماقلعنا البنطلون هههههههههههه
المهم كان معايا بتاع 80 واحد واقفين عالبوابة كلنا فى صوت واحد قلنا a7a هاندخل غصب عن ام الحكومة والامن .. وهيلة بيلة قعدنا نخبط البوابة بالرجل واللى ييجى من ورا وينط برجله فيها المهم بعد نص ساعه جه ظابط وقاله افتح البوابات يابنى
11_دخلنا الاستاد بقى بجد بجد مش لاقيين مكان نقعد فيه بقينا كل 3 على كرسى وكله واقف ماحدش قاعد. كنت مع الالتراس وقعدنا نغنى اغانى الالتراس والشوط الاول خلص 0-0
12_ عايزين نشرب بقى بعد المجهوداللى بذلناه دة جينا نخرج من بوابة المدرجات لقينا العسكرى بيقول اللى هايخرج مش هايدخل تانى قلناله ابقى ورينا مش هاتدخلنا ازاى.
13_شربنا وعايزين ندخل المدرجات تانى رجعنا عالبوابات لقيناها مقفولة بالقفل ومافيش حد واقف جوة خالص
قعدنا نزعق لغاية بعد 10 دقايق لقيناظابط جه فتحلنا البوابة وقاللنا ادخلو
14_ الشوط التانى بدا ونزلنا تشجيع وتشجيع لغاية لما الدقيقة ال 15 جت والجون جه ببص لقيت نفسى واقع عالارض واتنين بيفوقونى
وفرحنا بعد مافقت وشجعنا اكتر اكتر واكتر
15_الماتش خلص ونادينا عاللعيبة وفرحو معانا وخرجنا بعد الماتش بنص ساعه وركبت الاوتوبيس وراجع رمسيس الاوتوبيس كان عبارة عن كتلة نار ماشية عالرصيف تشجيع وتخبيط وصداع وقرف
16_وصلنا رمسيس وقعدنا ساعه نغنى ونرقص وبعدين مشيت عشان اركب بنها وروحت بالسلامة الحمد لله
خلاصة الموضوع (( الزمالك دة حاجة تانية جمهور مجنون بحاجة اسمها زمالك . 10 ساعات تشجيع وصراخ لغاية لما روحت )
اارواحنافداك يا زمالك
اسف جدا على الاطاله وفيه صور معايا من الماتش بس مش عارف ارفعها عالمنتدى
يارب الموضوع يعجبكم ويارب الاقى ردود عشان بجد انا تعبت جدا وانا بكتبه
موضوع: مغامرة شيتوس فى استاد الكلية الحربية 
الجمعة مارس 12, 2010 1:52 pm
