أنا لو صباعي تحت ضرسك
يا خسيس ..راح اقطعه
وان قلبي يوم ح يآمنلك
من ضلوعي راح اخلعه
والله يسهلـّك يسامحك
هان عليا دم جرحك
والعيون ما ح يدمعوا
دي الجراح بإيدين غريب
جنب جرح من الحبيب
ما ح يوجعوا
وابن أمي طول بعرض
وابن مجهول ذي بعض
ف الزمان دا ما ينفعوا
صمت حالي و دمع غالي
و عمر صدق و سر بالي
عند مين راح يشفعوا
يا زمـــن أيام براءة
والحقيقة والصداقة
خدني ليها قلبي متلهف عليها
نفسه فيها واسمعه
كل دقة .. ساعة شاقة
بين ضلوعي بتوجعه
مش ح اقولك تاني لأه
مهما ح اتحمل مشقة
بس خد قلبي برقة للطفولة ورجعه
واحفظ الله فيه دا غالي
يازمن وارأف بحالي
قلبي تاني ماتخدعه
بين اديك مايشوف مهانة
وان دا مكتوب له أمانة
م الحياة....ماترجعو
موضوع: اقلبى مجروح م الحبيب 
الأحد ديسمبر 27, 2009 2:00 am
