حرااااااااااااااااااااااااااااااااااااااااااااااااااام بجد ايه ده كلو يا ساااره انا لو في امتحان
صدقيني مش هجاوب الاسئله دي امري لله توكلت عليك يارب !!!!
1- احكيلك قصه حياتي في اربعه اسطر ؟
انا انسان زي اي انسان بعيش وبتكيف مع الوضع اللي انا عليه مش ببص لحاجه مش
بتاعتي انسان طيب جدا خدوم جدا الحمد لله معظم الناس اللي اعرفها بتحبيني مش هقول
الكل لان محدش عليه اجماع مش بحب حد يزعل مني ولا انا ازعل من حد مش بعرف
اكره حد حبيت في حياتي ولكن الحب دي مش بيكمل مش عارف ليه ده تقصير مني ولا
عدم اهتمام ولا ايه مش عارف كفااايه يا ساااره كده مع ان قصه حياة اي حد عايزالها
100 صفحه بس اي حجه كده يلا اهو
2- أوضحلك هدفي في الحياه ؟
هدفي بسيييييييييييييييييط جدااااااااااااا مش بقول عايز وعايز لا لا اني احقق حلمي زي
اي شاب اني اولا اتخرج من كليتي وثانيا اشتغل شغلانه حلوه ثالثا اتجوز البنت اللي قلبي
يختارها واحبها وتحافظ عليا وعلي اسمي اكيد مش كتير اللي انا عايزو
3- هل انا راضي عن نفسي الان ؟
ال الان ال في حصه نحو احنا شويه وتمسكيلي الخرزانه
لا طبعا مش راضي عن نفسي لو رضيت عن نفسي يبقي انا مش عايز حاجه من الدنيا
دي يعني خلاص اخدت ملزاتي منها ورضيت عن كل حاجه عملتها بقي لما احقق كل
امنياتي كده ابقي راضي عن نفسي .
4- ولو ولدت من جديد هل ستختار نفس الطريق التى تسير فيها الان؟
لا طبعا مش هختار نفس الطريق مش معني كده ان الطريق اللي انا فيه وحش لا
علشان أبدأ من الاول بطريق سهل جدا غير اللي انا فيه هو اكيد هوصل بس انا من الاول
صعبتها علي نفسي مهما كان في الطريق اللي انا فيه هكملو بحلوه بمره هكملو لاخر
نفس وناس كتير كانت تقولي الدنيا عمرها مهتقف يوم عند حد وانا ابالغ واقول تقف
وفعلا هي مش هتقف بس برضو هرجع اقول تقف مش عارف هتفهموها ازاي دي بس
اللي يفهم مش يقول لحد .
5- ما هو تعريفك للضمير ؟ وما هو سبب أخر نزاع بينك وبين ضميرك؟ ومادا كانت
النتيجه ؟
اهو ده بالزمه سؤال يتسأل في منتدي ولا اكني في حصه عربي والاستاذ اللي بيديني
احول كمان يعني بايظه بايظه من جميع النواحي ما علينا نبدأ ........
الضمير دي حاجه جوانا موجوده في كل واحد محدش يقول مش عندي اللي يقول مش
عندي يبقي انعدم من عندو الضمير والضمير ده بقي ححاجه من جوانا بتقولنا اعملو ده
وده لا صوت جوانا بينادينا وحتي لما تعمل ده ضميرك بيناديك يقولك ليه عملت كده وليه
عملت ده وده ليه مش عملتو كنت لازم تعملو ويقولك طب انت عملت في الموقف ده
كويس بس كان في احسن من كده تعرف تعملو وهكذا .
سبب اخر نزاع بيني وبين ضميري مممممممممم اكيد في حاجات كتير بدون ذكر ايه
هي لان محدش فينا معصوم من الخطأ كلنا بنخطأ ونرجع نعاتب نفسنا احنا ليه كنا في يوم
من الايام كده وليه عملنا كده وليه زعلنا فلان وفلان مننا احنا مكنشي المفروض نعمل كده.
النتيجه طبعا في النهايه ان لازم اصلح الغلط اللي عملتو واللي ضميري أنبني بيه ولا اكون
معدوم الضمير وربنا يرحمنا برحمتو.
6- لو كان عندك خمسة وردات واحدة عطيتها لكل اعضاء ومشرفين واداريين المنتدى
لانهم حبايبكـ؟
والتانية اعطيتها ليا لانى اختك
يبقى عندك ثلاث وردات
أختار ثلاث اعضاء واعطى كل واحد فيهم وردة ؟وليةاخترت هؤلاء الاعضاء بالداتــ ؟
اختار نانسي لانها موصياني ان اديها ورده لتضربني وانا بخاف
واختار منعم يا خد ورده بس انا خايف ياكلها مش يشمها يلا مش خساره فيه هههههههه
حبيبي يا منعم والله
وأختار واحده ليا وانا مش ليا نفس منا كمان في المنتدي ولا انا غلطان احسبيها هبقي انا
الصح اما باقي الايجابات دي فيها مواويل وفي حاجات مش عارفها لاني لسه داخل المندي
ومش عارف اساليب كل واحد علشان مش أكدب والباقي يبقي هكتب قصه حياه كل واحد
انا هقول باتصار ان الناس دي كلها لو مش كانت عزيزه علي قلبي وانا بحترمهم
وبيحترموني مكنتش دخلت هنا دي كده بباقي الاسئله.
في حاجه كمان بوكيه ورد مني لاحلي أعضاء في المنتدي اصل ساااره بتوقعني بقي
وكده انا بقي ببعت بوكيه لكل الاعضاء الحلوين وربنا يخلي ايامكو كلها سعاده وهنا.
ميرسي احلي شبااااااااااااااااااااااااااااااااااااااااااااااااااااااااااااااااااااااااب سلامي ليكو
موضوع: زيكاااااااااااااا على الكرســــــــــى 
الثلاثاء ديسمبر 01, 2009 10:39 pm
