ايه رأيكم فى موضه الشباب الايام دي؟

بقينا نبص في الشارع ونلاقي الصبيان عاملين حاجات غريبه

عن كل سنة بتمر يعني مرة تطلع موضه تطويل الشعر ورغم

انها ممكن تكون حرام علي حد علمي مش عايز افتي لاقيت

عدد كبير قوي من الصبيان مطولين شعرهم(عمرو دياب

وميدو) وبعدين تطلع موضه شعر عطوة وكل واحد يعمل

شعروا زي فروة الخروف وبغض النظر عن انها لايقه عليه

ولا لا(احمد الفيشاوي) وبعدين نلاقي البناطيل البرمودا

للصبيان مع انها كانت للبنات في الاول وعدد كبير من الصبيان

لبسها وبعدين نلاقي البناطيل west (البناطيل الساقطه)

وعدد كبير لبسها برضه وبعدين نلاقي البناطيل funcky

(بناطيل باجي وبتتقفز علي الرجل) وطلع موضه برضه قبل

كده انهم يصبغوا شعرهم بالوان بيستخدمها البنات زي الاحمر

والاصفر دي وصلت كمان للازرق(ابراهيم سعيد) وطلع موضه

السلاسل الفضه ولبسها كتير قوي برضه من الشباب(عمرو

دياب في ليلي نهاري) واخر موضه بقي شعر( تامر حسني)

اللي بيعملوا معظم الشباب اليومين دول ولسه هنشوف

وهنشوف عشان كده كده حبيت اسأل ايه رأيك ف يموضه

الصبيان الايام دي هل هي

(مبالغ فيها_حلوة_كويسه_ وحشه_مش عارف)

يمكن السؤال ده موجه للبنات اكتر لانهم هما اللي شايفين

الصبيان وجهه نظر تانيه يعني ممكن يكون الولد شايف

نفسوا انه لما يلبس كده يبقي هو ده اللي هيعجب البنات

وهو فعلا هيبقي فيه اختلافي في الاراء بنات هتكون بتحب

الموضه دي وبنات لا لاختلاف شخصيتهم ودماغهم بس كنت

عايز اعرف رأي الاغلبيه منهم هيكون ايه؟؟؟