موضوع: مجنون مين وعاقل مين ’’’’’’ الأحد سبتمبر 20, 2009 2:03 am
مين مجنون .. مين عاقل
*-*-*-*-*-*-*-*-*-*-*
مين مجنون ومين عاقل إزاي مجنون وليه عاقل مين بيحل كل المسائل مين يعرف فينك يا مشاكل وإزاي يرمي نفسه في النار اللي عارف إنه هايتاكل جايز مجنون .. ويمكن عاقل
*-*-*-*-*-*-*-*-*-*-*-*
تقاسي تعاني في الدنيا دي عشان الخاطر وعشان ولادي ومّا تجيك ضربة من الناحيادي تقول أنا هادي راح أخدها ببساطة وعادي ما ياما نفخت فيك يازبادي وإبعدوا عن وشي الساعادي واللي هايقرب يبقى يستاهل مش هاتساهل راح أكون مجنون ولو عاقل
*-*-*-*-*-*-*-*-*-*-*
أنا كان مالي والدنيا مالها دنيا متاعب ... ودنيا ملهى ومّا تقول إيه اللي جرالها ترجع تاني بفرحة تهنالها تجري وتفرح مع عزّالها وتجيك لحظة تدوب في جمالها وتنسى مكانك وتتوه عن حالك تلقى ضربة بيمينها ولا شمالها تفوق على صعب حقيقتك ياجاهل حقيقي تستاهل تكون مجنون مانتش عاقل
*-*-*-*-*-*-*-*-*-*-*
تقول أنا عايش عيشتي ومرتاح في هنا وسعادة ليل وصباح قاضي يومي كده سواح خيالي ياخدني بحصان رمّاح على عش الحب ودنيا براح وشايف قدامي كتير أفراح ولما تحب تكون في الفرحة تقولك لأ معلش سماح إنت مالكش غير الأتراح تغضب تزعل مش هاتنازل هي مهازل ؟!! دانت مجنون ولايمكن عاقل
*-*-*-*-*-*-*-*-*-*-*
ومّا تحس بقبضة في قلبك عاصراك عصر لما تظن أعز حبايبك شارينلك قصر جوه قلوبهم .. وتحس ساعتها بعزة ونصر ويقولوا ياللا .. وعشان تدخل إفتح بابه لما تعد نجوم الكون ده ساعة العصر عينك لفوق وبتعد في إيه دي مالهاش حصر إبقى قابلني ياصاحب القصر ساعة عصر لما تلقى قصرك ياحرام عشش ومنازل راح تتنازل وتفهم .. إنك مجنون ولايمكن عاقل
*-*-*-*-*-*-*-*-*-*-*-*-*-*
طب إعقلها كده وإشرحلي مانت قايل إنك مرتاحلي لو مخي قافل نوره وإفتحلي وقول أعذارك كده طوالي بس إسمحلي دي لاهي لجنة ولا ده إمتحان وإوع تظنك راح تنجحلي أنا ماقدرش أسامح وأنسى لازم أغضب ولازم أقسى ولو حسيت في كلامي مرار من جوه كياني القايد نار أوعاك تنهار وتقول دمعي سال أنهار خليك عاقل وكفاية ظنون إني راح أنسى إنك مجنون عايش كده وفاكر نفسك وحدك في الكون ولوحدك شايفها ماشية إزاي والباقي .. مالهمش عيون
وأرجع أقولك يا معذبني تعالى جاوبني ولا تتهربش بأي وسائل وللا تقولي مخك قافل غاوي مشاكل كده على طول طيب رد عليا وقول
موضوع: مجنون مين وعاقل مين ’’’’’’ 
الأحد سبتمبر 20, 2009 2:03 am
