(علشانكم يا بنويت)انواع الشبـــــــــــــاب

النت يما بنشوف اشخاص وكله مختلف عن غيره
ودي شخصيات وانواع مختلفه للشباب على النت

المرحله الاولى (اللى يدوبك لسه متعلم يدخل النت)
طبعا العمر يتراوح من 16 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت

والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه

المرحلة الثانية:

الي بيقعد على النت بس مش كتير)

النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي

والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي بلوك

المرحله التالته

الي قاعد على النت ليل نهار)
ده بقى شرحه يطول وينقسم لعدة انواع

1- المقموص

ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف وشك فنصيحه من اولها كده اديله بلوك وديليت

2- ابو دم خفيف

ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك

3- المودي

دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة جنان كفايه الي الواحد
في

4- اللزقه

والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ... ايه
ده انتي لسه مجيتيش ؟؟؟

5- الناصح

صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت

6- دون جوان

انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه

7- محروم بنات

ده بقى لو في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي ويندمج وبعدين يطلع واحد صاحبه

8- الكدااااب

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب

9- العبيط

ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه

10- بابا اوبح

ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة

هههههههههههههههههههههههههههههههههههههههههههههههههههههههههههههههههههه[]

ملحوظه هامه جدا جدا جدا

//
//
//
//
//
//
//
//
//
//
//
بدون ضرب قباقيب وببشات
هههههههههههههههههههههههه

ملااااااااااااااااااااااااااااااااااااااااااك بجد موضوع رائع
وعلى كل نوع بفطس من الضحك والله الواحد بيشوف بلاوى
هههههههههههههههههههههههههههههههههههههههههه
ربنا يهدينا جميعـــــــــــــــــــــــــــــــــــــا
بس بجد احيكى عالتوبيك ده رائــــــــــــــــــــع جــــــــــــــــــدا

هههههههههههههههههههههههه

بقه احناااااااااااااااااا كده يا بت

ماشى ماشى ماشى

LOVELORN كتب:: ملااااااااااااااااااااااااااااااااااااااااااك بجد موضوع رائع
وعلى كل نوع بفطس من الضحك والله الواحد بيشوف بلاوى
هههههههههههههههههههههههههههههههههههههههههه
ربنا يهدينا جميعـــــــــــــــــــــــــــــــــــــا
بس بجد احيكى عالتوبيك ده رائــــــــــــــــــــع جــــــــــــــــــدا

هههههههههههههههههههههه
يلا اي خدمه خاليتك تضحكي بس دي الحقيقه
هههههههههههه عدي الجمايل بقه
وميرسي ياقمري على مرورك الجميل

سفير الاحساس كتب:: هههههههههههههههههههههههه

بقه احناااااااااااااااااا كده يا بت

ماشى ماشى ماشى

هههههههههههههههههههه
لاء تبعا انت مش كدا خالص
الحق يتقال بجد
انت مش كدا
انت ابو كدا يابني
هههههههههههههههههههههههه
ثم ايه بت دي ع فكره انا ليه اسم

ملاك الروح

تورت التوبيك يادرش بمرورك الجميل

ههههههههههههههههههههه

ملاك خليكى على النظاااااااااام ده

هههههههههههههههههههههههههههههههههه

جميل اوى الموضوع ده

بس بجد ال يقرا الموضوع ده من الشباب ويدخل النت ياما
\

يبقى عبيط ياما اهبل ياما مجنون ياما دمه خفيف ياما لزقه

يعنى جمعت كل الصفات ال ممكن تكون

ف شباب النت

ياسلام عليكى ياملاك اهنيكى يابنتى على

موضوعك الاكثر من رائع لكى من تحيه طيبه

بسمه كتب:: ههههههههههههههههههههه

ملاك خليكى على النظاااااااااام ده

هههههههههههههههههههههههههههههههههه

ههههههههههههههههههههههه
اولا احب اقولك اني زعلانه منك موت
كدا ايه يابنتي الغيبه الجامده دي
وحشتينا ياقمر
ثانيا بقه انتي تأمري وهتلاقي ان شاء الله من ده كتييير
هههههههههههه

((عايش حياتى بألمى)) كتب:: جميل اوى الموضوع ده

بس بجد ال يقرا الموضوع ده من الشباب ويدخل النت ياما
\

يبقى عبيط ياما اهبل ياما مجنون ياما دمه خفيف ياما لزقه

يعنى جمعت كل الصفات ال ممكن تكون

ف شباب النت

ياسلام عليكى ياملاك اهنيكى يابنتى على

موضوعك الاكثر من رائع لكى من تحيه طيبه

هههههههههههههههههههههههههه
الحمد لله جات سليمه انا كنت متوقعه ان القباقيب تشتغل
هههههههههه
اي خدعه
ميرسي ليك على المرور الجاااااااااااااااااااااااااامد
يا احمد ياقمررررررررررررر