موضوع: ** ((البنت لما ترتبط بالولد))** الخميس يوليو 09, 2009 2:19 am
الموضوع بتاع النهاردة مفهوش اى حاجة جديدة ومفهوش اى حاجة مختلفة ____________________
اسيبكم معاه وربنا معانا كلنا ****** (البنت لما ترتبط بالولد) _________ . لو جه هوة اللى كلمها يبقى مدلوق عليها .لو هى اللى كلمته يبقى مغرور وشايف نفسه ___________________________ .لو قالها نعرف بعض شوية يبقى بيتسلى و بيلعب بيها .ولو قالها نرتبط يبقى لازم يجيب كل اللى الأهل عايزينه ( طبعا مش بقى صعب انما بقى مستحيل ) ___________________________ .لو بقى معاها علطول يبقى فاضى وصايع ومش وراه حاجة .ولو سابها مرة تروح لوحدها مبقاش مهتم بيها ___________________________ .لو مكلمهاش كل يوم 30 مرة يبقى مش بيحبها .ولو كلمها لحد ما يفلس يبقى مش بيفكر صح للمستقبل ____________________________ .لو جبلها هدية فى كل مناسبة يبقى بيضيع فلوسه وكمان ممكن الهدية متعجبهاش .لو مجبلهاش ولو فى مرة واحدة يبقى انانى ومش بيفكر فيها ____________________________ .لو حبها وفيها عيوب وحاول يصلحها يبقى بيتحكم فيها .ولو محاولش يصلحها يبقى مش بيحبها ويطلع عينه وتقوله ____________________________ .لو فيه حاجة مدايقاه وقالها يبقى بيتلكك .ولو مقلهاش يبقى قلبه اسود وبيحوش ____________________________ .لو هى بتغير عليه يبقى عشان بتحبه .ولو هو بيغير عليها يبقى بيخنوقها ____________________________ .لو قالها متكلميش فلان يبقى عايز يقطع علاقتها بكل أصحابها .ولو هى قلتلوا متكلمش فلانة يبقى عشان أكيد هوة اللى عينوه زايغة ____________________________ .لو خرجوا مع بعض وقالها تروحى فين يبقى مش عارف يتصرف .ولو مسألهاش يبقى عايز يخرج على مزاجه ____________________________ .لو حب يخرج مع أصحابة يبقى أنانى ومش بيفكر فيها وهى قاعدة لوحدها .ولو هى حبت تخرج مع أصحابها يبقى شئ طبيعى عشان همة بنات _____________________________ .لما يطلع عمرو دياب ولا كاظم فى التليفزيون تبقى هتموت عليه وده شئ طبيعى عشان مين اللى ميحبش عمرو ؟ .ولو هوة بص لأى واحدة فى التليفزيون يبقى عشان رمرام وعينه زايغة _____________________________ .لو حاول يبوسها يبقى سافل وصايع .ولو ما حاولش يبقى بارد ومعندوش مشاعر ______________________________ .لو مسك ايدها يبقى عشان عايز حاجة مش كويسة .ولو هية اللى مسكتها طبعا عشان بتحبة __________________________ .لو هية قعدت فترة متكلمهوش يبقى أكيد عشان مش عايزة تعطله .ولو هوة مكلمهاش عشان امتحانات ولا حاجة يبقى عشان عايز يطنشها _________________________ .لو سأل عليها كل شوية يبقى ده طبيعى .ولو مرة واحدة مسألش يبقى أكيد مبقاش يحبها _________________________ .لو هوة خارج من علاقة يبقى بتاع بنات .ولو هية خارجة من علاقة يبقى أكيد مظلومة وانضحك عليها _________________________ .لو قالها نعرف الناس كلها اننا بنحب بعض يبقى عايز يشردلها .ولو قالها نستنى شوية يبقى أكيد ناوى يفلسع _________________________ .لو مشتغلش يبقى مش بيفكر فى المستقبل ومش عارف يكفى طلباتها هى أو أهلها .ولو اشتغل أى حاجة يبقى مش عايز يحافظ على المظهر والبرستيج بتاعها أدام الناس _________________________ .لو حصله مشكلة واتخنق شوية يبقى كئيب ومقرف .ولو هية اللى مخنوقة يبقى أكيد عشان حساسة _________________________ .لو سقط بسببها يبقى عشان ملوش هدف .ولو هية سقطط يبقى عشان بتموت فية وبتفكر فية ليل ونهار _________________________ .لو كدب عليها يبقى غشاش ومخادع .ولو هية كدبت علية يبقى عشان مش عايزة تزعله _________________________ .لو مبقاش 24 ساعة رومانسى يبقى أكيد بيفكر فى حد تانى .ولو بقى علطول رومانسى هتقوله استرجل شوية دانا أرجل منك _________________________ .لو فى مرة جبلها هدية أو خرجها من غير مناسبة يبقى عشان عمل غلطة وعايز يداريها .ولو هى اللى عملت كدة يبقى عشان الحب _________________________ .لو حصل خناقة بينهم وخللى حد يحكم يبقى عايز يفضحها ويطلعها غلطانة علطول .ولو هى اللى دخلت حد بينهم يبقى طبعا عشان هوة ظالم ولازم حد ينصفها _________________________ .لو حصل موقف مؤثر وعيط يبقى تافه ومش راجل .ولو متأثرش بيه يبقى قاسى وقلبه حجر _________________________
البنت محتاجة الحب والرومانسية والدفء والأمان ... محتاجة لإنسان يحتويها ويفهمها ... بس أكيد دايما كل حاجة بتاخد وقتها مفيش حاجة بتيجى بسرعة غير وبتضيع بسرعة ... عشان الحب ده زى النبات مش أول ما نزرعه يبقى نقعد مستنين الحصاد ... لازم نصبر ونرويه بهدوء ونستنى الزرع لما يبقى ليه جذور تحميه من أى عواصف ممكن تموته ويبقى قوى عشان نعرضه للمشاكل اللى بتحصل ... انما محدش عنده صبر الناس كلها عصبية ... كله شايف التانى غلطان ... محدش عايز يعترف بغلطه ... كله بيرمى على كله والحياة كل يوم بتبقى أسوأ ... ومفهوم الحب ضاع بين التفاهة اللى فى الأفلام ... لو كان الممثلين اللى بيعملوا أقوى الأفلام الرومانسية فى الدنيا بيطبقوا اللى همة بيعملوه فى حياتهم مكنش فيه ممثل طلق ممثلة ... انما أغلب وأشهر حالات الطلاق بينهم ... المشكلة إن الحب الحقيقى أروع من الى بنشوفه ... بس محدش قادر يصبر ... وكله بيجرى ورا الوهم الى فى الأفلام وطبعا النتيجة ان الكل بياخد على قفاه ومشاكل وحوارات مش بتنتهى ... وطبعا أكيد السبب الطرف التانى من قبل ما حتى حد يعرف اية المشكلة !! ياريت نبعد عن دماغنا المفهوم الملوث بتاع حب الأفلام وندور على الحب الحقيقى اللى من غير مشاكل ... وعلى فكرة موجود واللى بيوصله مش بيسيبه أبدا وناس كتير مبتتكلمش عنه عشان خايفة الباقى يحسدهم عليه ... والله موجود واللى يفكر شوية هيلاقيه ... والحدق يفهم ... طبعا اللى فوق ده نموذج ممكن يحصل أو لأ بس فى الأغلب بيحصل وده ناتج عن حاجات وقعناها من حسابتنا ... كل واحد يشوف ضاع أد اية منه من وقت بيقرا ويشوف بردو ضاع منو اد اية فى حوارات وافلام على البنات ... ويشوف بقة باقى اد اية من العمر عشان يضيعة
موضوع: رد: ** ((البنت لما ترتبط بالولد))** الجمعة يوليو 10, 2009 9:54 pm
تسلمى يا احلى جيسى بس هقولك حاجه فى بنات وكتير من البنات بتحب وحبيبها بيعرف غيرها لا وايه كمان بيخرج معاهم البنت ديه اطيب مخلوقه فى الكون واكتر انسانه رقيقه ومن رقيتها بقت تتقال عليها عبيطه ياااااااااااااا ليه البنت لما تحب حبيبها بيخونها ليه
موضوع: ** ((البنت لما ترتبط بالولد))** 
الخميس يوليو 09, 2009 2:19 am
